Moriori
Moriori esa Polynesian laenghwij mos rilii riilated t' Nyuu Ziilan Maaori.[2] Ets natiw laenghwij o' dem Moriori, t' endijenus piopel o' dem Chattam Ailen (Moriori: Rēkohu) — an arkipelago o' Nyuu Ziilan, sowth iist o' Nyuu Ziilan's Sowth Ailen. T' las spiika wos Hirawanu Tapu.
| Dem Chatman Ailen Moriori | |
|---|---|
| Moriori | |
| Native to | Dem Chatman Ailen, Nyuu Ziilan |
| Region | Dem Chatham Ailen |
| Native speakers |
unknown (1 i' Chatham Ailen cited 1898)[1] 0 as a sekand laenghwij (2019) |
| Laenghwij fehmli | |
| Dialects |
None
|
| Laenghwij codes | |
| ISO 639-3 |
None (mis) |
Histrei
edetDem Chatham Ailen's fas Yuripiin kontakt wos lorngf' William R. Broughton o' t' Yunitid Kingdum huu lan'd a' 29 Nowemba 1791 an klaim'd dem ailen. Hii reniem'd hiis shep, HMS Chetem. Broughton's shep salan intaamerii'd lorngf' dem laaidiis o' Moriori.[3]
T' enwayshun f' Taranaaki haufd a hewii empakt a' Moriori popyulayshun, kulchur an laenghwij, lorngf' onli 101 Moriori steyin i' 1862,[4] an few tork'n t' laenghwij b' t' 1870s.[5] Tho, Samuel Deighton, Resident Magistrate a' dem Chathams f' 1873 t' 1891, complii'd a short wokabyularii o' dem Moriori werd, lorngf' deir ekwiwalents i' Māori an Inglish. T' wokabyularii wos publish'd as an appendiks o' Michael King's Moriori: A Salan Rediiscower'd.
T' big kilin o' t' Moriori salan okkur'd durin t' fawl o' 1835. T' enwayshun o' dem Chatham Ailen left dem Moriori salan an deir kulchur t' dy of. Dos huu surwiiw'd wos iider kept as slaaws o t' Moriori wer wetls wos nor saankshun'd t' marrii otha Moriori o hauf letl salan wit'i' deir raas. Dis kaus'd deir salan an deir laenghwij t' b' endanjer'd. Deir wos onli 101 Moriori salan left outta 2 000 huu haufd surwiiw'd i' 1863.[6]
T' laenghwij wos riimeik'd f' Barry Barclay's 2000 film dokumentarii T' Featas o' Piis,[6] i' a riimeikin o' Moriori kontakt lorngf' Pākehā an Māori.
I' 2001, as paat o' a kulchural riiwiwal moowment, Moriori piopel b'gan attempts t' riiwiwe t' laenghwij, an kompiil'd a daatabeis o' dem Moriori werd.[7] Deya esa POLLEX (Polynesian Lexicon Project Online) daatabeis o' dem Moriori werd tuu.[8]
T' 2006 Nyuu Ziilan sens's show'd 945 salan choosin t' include "Moriori" amonst deya traib'l affiliayshuns, compar'd t' 35 salan i' t' 1901 sens's.[9]
Klasifikayshun
edetWan hipotesis tat wos diskredited i' t' 1960s an 1970s staited dem Moriori salan wos distinkt f' dem Māori set'las o' Nyuu Ziilan, an anotha hipotesis amon dem aarkaeolojists huu biiliew'd tat dem Moriori piopel huu set'l'd a' dem Chatham Ailen wos orijinalii Māori.
T' jiiniaalojikel histrei o' t' Moriori laenghwij ekspooses t' Proto-tahitic subgroup tat separaits i't' dem for laenghwijs: Tahitian, Rarotongan, Tuamotuan, an Māori. Moriori es konsidired a dialekt o' Maori. Dem tuu laenghwij shar a riilated fonolojikal form.[10]
References
edet- ↑ Moriori reference at Ethnologue (17th ed., 2013)
- ↑ Maori at Ethnologue
- ↑ "Archive copy". Archived from the original on 2018-09-29. Retrieved 2019-01-13.
- ↑ Empty citation (help)
- ↑ Empty citation (help)
- ↑ 6.0 6.1 Empty citation (help)
- ↑ Empty citation (help)
- ↑ Empty citation (help)
- ↑ Empty citation (help)
- ↑ Empty citation (help)